Notæ ad linguam Anglicam antíquam discendam
secundum librum Robertí Fulcí
Intróductió
[20171224 dié scríbó]
Núper ingressus sum linguam Anglicam antíquamAnglo-Saxonica aliter nóminátur. discere. Inde methodó discendí caréns, librum petébam quó úténs studia solitária mea récté dírigam. Liber mihi optimus vísus est á peritissimó linguæ Robertó FulcóRobert Fulk cónscríptus, cujus titulus est ‘Grammatica Intróductória Anglicæ Antíquæ’.R. D. Fulk, An Introductory Grammar of Old English with an Anthology of Readings. ACMRS Publications, 2014. Nam commendátiónés doctissimásReperiuntur hís locís: prímó, alteró, tertió. pró eó legébam.
Spéró proximís ménsibus methodum Fulcí cónsequí atque notás eó pertinentés hujc páginæ addere. Tamen adhúc librum exspectó. Interim hanc páginam compónere incipió.
Própositió ad studendum
[20180114 dié scríbó]
Tandem Fulcí Grammatica Intróductória allátus est. Etiam alterus liber ínscríptus ‘Prímus Liber Anglo-Saxonicus’N. Davis, Sweet's Anglo-Saxon Primer, ninth edition. Clarendon Press, 1957.
acceptus est. Undévicésimó sæculó Henrícus SweetusHenry Sweet
hunc celebrum libellum scrípsit.
Phótographia librórum núdiustertius adventórum.
Aliquandó quidem Prímum Librum cónsúlam, at præcipué ratiónem Grammaticæ Intróductóriæ sequar. Hic liber é duábus partibus compónitur. Quárum in prímá gradatim expónitur pæne úniversa ars grammatica necessária ad scrípta antíqua legenda. Secunda pars anthologica est, cujus litterís versibusque spéró fruí, parte prióre perléctá.
Expositió dé grammaticá in vígintí únum capitula díviditur, quæ vicissim in locósDícó locus pró verbó paragraphus. númerátós díviduntur. Omnínó centum locí et duódéquadrágintá ínsunt, quórum plúrimí sunt explicátiónés, paucí autem exercitia.Exercitiís clavis déest. In fíne tamen cujusque capitulí magnum exercitium præbétur, síve léctió, scríptum quoddam ex operibus antíquís excerptum. Ea léctió attenté legendum est ut rés in eódem capituló doctás réspiciantur comprobenturque.
Hæc omnia in centum feré páginís continentur. Ego cupió tótíus grammaticæ studium unó annó complére. Própónó igitur, quáque septimáná duós páginás legere.